موضوع يضحك بزعل

التوبك ده معمول فى zamalek.sc عضو زملكاوى عمله بس بجد التوبك ده
على اد منا ضحكت على الطريقة اللى مكتوب بيها علشان هى طريقة سخريه على اد منا زعلان جدا على حالنا كزملكاويه ...................
التوبك اهو

قبل مباراه المقاولون دخل علينا راكب الفولكس( هولمان ) قاعد بيشم الهوا فى الكرسى الى وره ويعنى السواق متشحطط معاه فى كل حته وبعدين يقوم نازل وداخل ملعب المقاولون العرب كانه جى زياره تفقديه لاحد الملاعب ويقوم داخل غرفه خلع الملابس ويتكلم مع 3 لاعيبه بس والباقى قاعدين يحكوا مع بعض بعد كد يجى راكب الفولكس (هولمان ) ويقوم متشعلق فى دكه البدلاء شويه ويقعد على الدكه شويه ميشربش من نفس الشاى الى اللعيبه بتشرب منه يبدا المطش ويلعب راكب الفولكس بخططه 4-4-2 شوط اول مفهوش ولا هجمه لنادى الزمالك محمد عبد الله يجرى فى الغيط حبه وعبد الحليم على ولله انا بعزه انما الزمالك محتاج احسن من كده والباشا الكبييييييييييييير جمال جزمه ينط زى الشنبانزى جوه منطقه الجزاء ويقع ويحلف مش هقوم الا لما الحكم يحسب ضربه جزاء فالحكم كان عايز يتمشه فى الحته دى والكائن ده مش عايز يقوم راح مديله انزار فقام وفضل متنح ادام منطقه ال18 وبرضو مصمم انه ياخد ضربه جزاء راح الحكم لاقاه هيقرفه راح طرده بره الملعب والبيه ايه جى غير لبسه وخد ديله فى سنانه وقال يا فكيك شكله كان عايز يروح يتفرج على مسلسل شرف فتح الباب ومين باه بعد كده النونو شريف اشرف الى مش عارف هوه تبع مين بيلف حولين نفسه دا كله وراكب الفولكس مش فى الدماغ خالص وابو العلا انا مش عايز اتكلم علشان الباشا دا شكله كدا هيفضل طول عمره عافيه فى الزمالك ولو حب يعتزل وهوه عنده 60سنه هيمسكوه نادى الزمالك واحنا بقاه نولع مش مشكله اه ولله نولع دا احنا عالم مش بتفهم فى الكوره لما يجى اكتر من 6 مدربين فى الفتره الزفت دى وكلهم مصممين ان ابو العلا ابو لمسه وفاول يلعب يبقى احنا مش بنفهم فى الكوره واحمد غانم ما شاء الله عليه لما بيقع بيقع براسه الاول ولما بيدخل على اللاعب بيستاذن صحابه قبل ما يخش عليه يكون بقاه الاعب المهاجم طبعا انت عرفين بقاه يكون فين المهم من الاخر الزمالك مفهوش راجل غير عمرو الصفتى وبعدين الشو ط يخلص والبيه يلاعب ناس اقسم لكم بالله نجوم من ناشيئين نادى الزمالك واكثر لاعب انا مقتنع بيه فعلا هوه احمد زكريا لانه لاعب مناسب فى المكان المناسب فى الوقت المناسب للزمالك لاعب مثل احمد زكريا لابد ان اول ماتش للزمالك فى الدورى يكون احمد موجود المهم الماتش يخلص وراكب الفولكس يخرج يكون طبعا السواق لازم يكون ماسح العربيه كويس علشان البيه بيتبع قواعد المرور ويخرج راكب الفولكس ولاعيبه بسيارتهم طبعا وانا افضل انا و بؤله لحد الساعه 1ونص فى المواصلات لحد ما نروح وايه واحنا كمان خسرانين فى مباراه وديه وبعد كده اقوم داخل على موقع المفضل الزمالك اس سى وبرضوا اتابع الزمالك وايه ابحث بشغف عن اخبار الزمالك على الرغم من انى كنت فى الملعب ليه انا مش عارف

لــــــــــــــــــــــــــــــــــيه انا مش عارف!!!!

والله فعلا هم يضحك وهم يبكى
الواحد مبقاش عارف يقول ايه

ولسه هنشوف كتير

الزمالك انتهى اللعيبه ديه لازم تتسرح والهجاص لازم يمشى ويجى رئيس نادى قوى وعنده اخلاص وبيحب النادى وباذن الله يكون مرتضى منصور لانه هو المخلص الوحيد لنادى الزمالك والباقى بيدور على مصالح شخصيه

مفيش حاجه نقولها غير حسبى الله ونعم الوكيل

ربنا يخللنا المشتار انا عضو فى الزمالك وعاوزة يكون رئيش النادى

انشاء الله هايكون الرئيس